Para entender a evolución humana (Ver dende o minuto 4 ao 10:30)

Os seres humanos descendemos de un primate, que con toda probabilidade era moi parecido a un chimpancé actual, pero non vimos do mono. Hai entre 7 e 5 millóns de anos, un parente común deu lugar a dúas liñas evolutivas: a dos actuais chimpancés e a dos homínidos (Ardipithecus, Australopithecus e Homo).
Este video serve para imaxinar como sería esa evolución: polas condicións do medio eses primeiros primates sobrevivian mellor ergueitos sobre dúas patas. Co paso do tempo van sobrevivindo e procreando máis, aqueles individuos que mellor camiñan a dúas patas. Co paso de millóns de anos, e moi moi moi lentamente, as características físicas van dando lugar a homínidos, que xa poden ser considerados y consideradas, seres humanos.
Este video simplifica moito, xa que andar ergueito non convirte a un primate en ser humano.
Pensa: En que se diferencia un ser humano dun simio?.

Programación de Xeografía e Historia

Preme este link para ver a programación

Currículo (por curiosidade)

Preme aquí para saber o que entra na materiaen primeiro segindo a Xunta de Galicia

Xogos cooperativos e cuñas motrices (para pais e nais)

Dentro dos múltiples programas do CPI de Castroverde, inclúense actividades que axudan a mellorar a cohesión do grupo - clase, enriquecen a escala de valores dos vosos fillos e fillas e favorecen a concentración e un mellor rendemento. Nesta línea están os xogos cooperativos, os xogos de mesa e as cuñas motrices.
Este ano, na materia de Xeografía e Historia, inclúense xogos de mesa, escollidos para traballar determinadas competencias imprescindibles para a materia. Así por exemplo, o "Tabú", axuda a mellorar a competencia lingüística; o "Dobble" colabora no desenvolvemento da capacidade de concentración e observación, imprescindible para analizar obras de arte; o "Córtex" desenvolve capacidades de observación, análise, memoria, competencia matemática, etc. Cada xogo está pensado para desenvolver unha serie de competencias e capacidades imprescindibles, así como a xerar un ambiente de colaboración e compañerismo.

Os xogos cooperativos e as cuñas motrices son xogos nos que non se permite a competitividade, senón a colaboración. Neles só gañan se consiguen un reto colaborando entre todos e todas. Lonxe de resultar unha "perda de tempo" está demostrado que axudan a mellorar a aprendizaxe. Os xogos cooperativos realízanse nas clases de presentación, titorías, gardas, etc. mentres que as cuñas motrices poden realizarse dentro da xornada ordinaria en espazos de tempo moi breves e controlados, permitindo un mellor rendemento á hora de concentrarse na materia.

A meirande parte dos xogos que empregaremos na clase de xeografía e historia están baseados no libro de Xesús R. Xares "Técnicas e xogos cooperativos para todas as idades" ou ben nas cuñas motrices proporcionadas polo profesorado do programa "Aulas felices" en cursos pasados.